阿仙奴半場和修貨

2021-01-23 10:54:09 来源:网络

排名相若唔敢冒進
今晚英足盃第4圈頭場上演重頭戲,修咸頓主場鬥阿仙奴。兩軍於聯賽榜分排第9、第10位,實力不相伯仲,而且雙方近期防守表現都比進攻優勝,特別上半場都極少失波,既然今場係一場過淘汰制,大家唔想失先機,相信初段都會踢得更謹慎,首選半場和。(無綫85台周六晚8時15分直播)

修咸頓第3圈賽事因對手梳士貝利爆發疫情,延至啱啱周中先進行補賽,結果修咸頓以部分副選應戰輕勝2比0晉級,更利好消息係早前確診嘅箭頭丹尼艾格斯已康復並復操,今仗可以候命。

修咸頓主場夠硬淨
連同上場比賽,修咸頓近9場主場攞到6勝1和2負,2場輸波對手分別係曼城同曼聯,其餘7戰都能夠保持清白身,如果單計上半場,修咸頓喺呢9場入面亦只有對曼城時失咗1球,其他8場都冇失波,比賽初段夠晒硬淨。

阿仙奴近況亦唔曳,自從去年尾喺英聯盃8強被曼城大炒4比1出局, 聯賽連盃賽已保持6戰不敗,而且連續6場上半場都冇失波,有5次可以守到尾,後防演出比季初大有進步。不過睇番阿迪達上圈對紐卡素排陣,近期表現搶鏡嘅中前場新星伊美路維及布卡約沙卡都係打後備,結果去到下半場先換入佢哋加強進攻,最終踢至加時先淘汰對手,相信阿迪達今場會照辦煮碗,留待換邊後先發力。阿仙奴今屆4場本土盃賽上半場都同對手不分勝負,今場最好揀半場和。
神算刘伯温精选24码